Облыстық мәслихат төрағасы құрылыс нысандарын аралады
Облыстық мәслихат төрағасы Мұрат Тілеуімбетов жұмыс сапарымен Қазалы ауданына келіп, аудан әкімі Мейрамбек Шермағанбет және облыстық мәслихат депутаты Нұрлан Имандосов, аудандық партия филиалының төрағасы Ғазиз Әліш, партия филиалының Партиялық бақылау комиссиясының төрағасы Әділбек Сарабековпен бірге аудандағы құрылыс нысандарымен танысты.
Шалғайдағы Кәукей ауылына барып, құрылыс жұмыстары толықтай аяқталған 100 орындық ауылдық клубты көрді. Облыстық мәслихат төрағасы қандай құрылыс жұмыстары жүргізілсе де ең әуелі оның сапасына аса мән беру қажеттігін айтып, орын алған бірқатар кемшіліктерді мердігер тарапынан шұғыл сапалы етіп аяқтауды тапсырды.
Айта кетейік, ауыл тұрғындары үшін маңыздылығы жоғары бұл нысан «AMANAT» партиясының сайлауалды бағдарламасын іске асыру шеңберінде салынуда.
#AMANAT
