Қар, жаңбыр және тұман: Қазақстанда бүгін ауа райы қандай болады?
Фото:depositphotos.com"Қазгидромет" РМК синоптиктері ертең, 15 қазанда еліміздің кей өңірінде нөсер жаңбыр, қар жауатынын, тұман түсіп, көктайғақ болатынын ескертті, - деп хабарлайды Tengrinews.kz.
Ұлытау облысының солтүстігінде, оңтүстігінде, шығысында бұрқасын, көктайғақ болады. Түнде және таңертең облыстың батысында, солтүстігінде тұман түседі.
Батыс Қазақстан облысының солтүстігінде, батысында тұман. Облыстың батысында, оңтүстігінде жоғары өрт қаупі бар.
Қарағанды облысының батысында, оңтүстігінде, облыстың солтүстігінде жолдарда көктайғақ болады. Түнде және таңертең облыстың солтүстігінде, шығысында тұман. Облыстың оңтүстігінде, шығысында жоғары өрт қаупі бар.
Жамбыл облысының солтүстігінде, оңтүстігінде, шығысында нөсер жаңбыр жауады, таулы аудандарында жауын-шашын (жаңбыр, қар) мол жауады. Күндіз облыстың солтүстігінде, оңтүстігінде найзағай ойнайды. Түнде және таңертең облыстың батысында, солтүстігінде, таулы аудандарында тұман түседі. Түнде және таңертең облыстың таулы аудандарында көктайғақ болады. Солтүстік-батыстан жел соғады, облыстың оңтүстік-батысында, солтүстік-шығысында, таулы аудандарында екпіні секундына 15-20 метрге жетеді.
Қызылорда облысының орталығында, солтүстігінде, батысында жоғары өрт қаупі бар.
