ІІМ балалар арасында тараған суицид мәселісіне дабыл қақты
Фото: freepik.comІІМ-нің ресми өкілі Шыңғыс Әлекешев брифингте оқушылар арасында тараған қауіпті ойындар туралы айтты, деп хабарлайды Orda.kz.
Ресми өкілдің мәліметінше, жыл басынан бері мониторинг нәтижесінде суицидтік сипаттағы белгілері бар 43 интернет-ресурс анықталған.
«Олар бойынша ақпарат бұғаттау үшін уәкілетті органға, яғни мәдениет және ақпарат министрлігіне жіберілді. Соңғы уақытта мессенджерлерде қауіпті ойындар туралы ақпарат таралып жатыр. Мұндай ойындарда өзін-өзі өлтіру элементтері кездеспейді, бірақ онда балалардың психикасына теріс әсер ететін қашу, бағынбау сияқты әрекеттерді құптау қаупі болуы мүмкін», - дейді Шыңғыс Әлекешев.
Ресми өкіл балалардың суицид жасау себебі егжей-тегжей зерттеліп жатқанын айтты.
«Жалпы, суицид жасаудың нақты себебі тек тергеу нәтижесінде ғана белгілі болады. Суицид жасау және соған әрекеттенген 14 бала мас күйде болған. Сонымен қатар, өз-өзіне қол жұмсау әрекетінің бір жағдайында жасөспірім есірткіге масаң күйде болған.Талдау көрсеткендей, көп жағдайда 15-17 жас аралығындағы, яғни өтпелі кезеңдегі жасөспірімдер суицидке оқталады», - дейді ресми өкіл.
