Қазақстандықтарға Қытаймен шекара уақытша жабылатыны ескертілді
Фото:depositphotos.comҚытай Қазақстанмен арадағы автомобиль өткізу бекеттерін уақытша жабады. Бұл туралы Мемлекеттік кірістер комитеті ескертті, - деп хабарлайды Tengrinews.kz.
"Қытай Халық Республикасының құрылған күнін мерекелеуге байланысты 2024 жылғы 1 қазан мен 3 қазан аралығында Қазақстан-Қытай шекарасындағы автомобиль өткізу пункттерінде адамдардың, көлік құралдарының және жүктердің өтуі жүзеге асырылмайды, - делінген хабарламада.
Қазақстан-Қытай шекарасындағы теміржол өткізу пункттері штаттық режимде жұмысын жалғастыратыны атап өтілді. Тасымалдаушылардан және шекарадан өтуге ниет білдіргендердің барлығынан енгізілген шектеулерді ескере отырып, өз маршруттарын алдын ала жоспарлау сұралды.
