Көпбалалы отбасыларға құрмет көрсетілді

Отан – отбасынан басталады. Оның негізгі арқауы сондағы адамдардың бір-біріне деген ыстық қарым-қатынасы мен сыйластығынан тұрады. Осы ретте жыл сайын елімізде отбасы күнінің қадірін арттыру мақсатында отбасы күні аталып өтеді.
Биыл да аталмыш мереке Қазалы ауданында жоғары деңгейде өтті.
Осы ретте Қазалы қалалық жастар ресурстық орталығының бастамасымен қала жастары Піржановтар, Исмайловтар және Арзақыновтардың шаңырақтарында болды. Аталмыш іргелі әулиеттерге бас тіреген жастар Отбасы күнімен құттықтап, арнайы сыйлықтарын және Алғыс хат табыс етіп, жылы лебізін білдіріп қайтты.

Көп жылдар бойы өмірдің ащы-тұщысын қатар татып келе жатқан отбасылар, жастарға батасын беріп, өмір жолдарына сәттілік тіледі.

Шаттық Мырзалиева