Фото: ©Pixabay.comҚұны 12,5 млрд теңге болатын ірі жобаны Ақмола облысында «CAPITAL projects LTD» ЖШС – «Курочка Ряба» брендімен өнім шығаратын компания іске асыруда. Кәсіпорын «Шаңырақ» компаниялар тобына кіреді, онда тауық еті мен жұмыртқа өндірісінің толық циклі іске асырылады, деп хабарлайды El.kz ақпарат агенттігі.
АШМ мәліметінше, зауыт жаңа шығарылған тауық жұмыртқаларымен салыстырғанда сақтау мерзімі ұзағырақ, аспаздық және сапалық сипаттамалары жақсырақ қауіпсіз пастерленген сұйық және құрғақ жұмыртқа өндіруде маманданады. Кәсіпорынның қуаты тәулігіне 1 млн жұмыртқаны құрайды.
Жобаны іске асыру үшін компания жұмыртқа өнімдерін өндіруде әлемдік көшбасшы - Thornico (Sanovo) компаниясымен келісімге қол қойды. Бұдан басқа, жобаны қаржыландыруда мемлекеттік қолдау шаралары пайдаланылатын болады.
Жұмыртқа өндірісінен басқа, зауыт құрама жем өндіру үшін ауыл шаруашылығы дақылдарын өсірумен айналысады. Қазіргі уақытта майлы дақылдарды қайта өңдеу желісінің құрылысы жүргізілуде, бұл жемшөп өндірісін 25% арзандатуға мүмкіндік береді, - делінген мәліметте.
Айта кетейік, биыл Қазақстанда іске асыруға жоспарланған 335 жобаның 66,5 млрд теңге сомасына 82 жоба іске қосылды. Жаңа жұмыртқа зауытының құрылысы елдің агроөнеркәсіптік секторын дамытуға елеулі үлес болады.
