Қазақстан бойынша тұрғын үй кезегінде барлығы 648 мыңнан астам адам тұр
Фото: ortkomКезекте тұрған мұқтаж азаматтарға бірқатар мемлекеттік қолдау шаралары көрсетілмек.
Мысалы, жалға берілетін тұрғын үйді сатып алу құқығынсыз беру. Тұрғын үй-коммуналдық инфрақұрылымды дамытудың 2023-2029 жылдарға арналған тұжырымдамасы шеңберінде әлеуметтік осал санаттағы кезекте тұрғандарға сатып алу құқығынсыз тұрғын үй кезектілік тәртібімен жалға беріледі. Бұл ретте, жалға берілетін тұрғын үйдің жалпы көлемінің кемінде 20%-ы сатып алу құқығынсыз жетім балалар мен көп балалы отбасыларға беріледі.
«Былтыр аталған мемлекеттік қолдау шаралары шеңберінде кезекте тұрған 9 мыңға жуық адам тұрғын үймен қамтамасыз етілді. Биыл сегіз айда 6 737 азамат тұрғын үймен қамтамасыз етілді», - деді Құрылыс және тұрғын үй-коммуналдық шаруашылық істері комитеті төрағасы Бақытжан Жүнісбеков ОКҚ алаңында өткен баспасөз конференциясында.
Ел бойынша тұрғын үй кезегінде барлығы 648 мыңнан астам адам тұр.
