Депутат қылмыстық жазаға тарту жасын төмендетуді ұсынды
© Sputnik / Санат ИмангалиевМәжіліс депутаты Магеррам Магеррамов қылмыстық жазаға тарту жасын төмендетуді ұсынды, деп хабарлайды Sputnik Қазақстан.
Төменгі палатаның жалпы отырысында Магеррамов үкімет басшысына депутаттық сауал жолдап, жасөспірімдер арасындағы қылмыс мәселесін қозғады. Бүгінде мектеп қабырғасында буллинг тыйылар емес. Оқушылар қылмыстық өмір салтына қызығады. Соның салдарынан зорлық-зомбылық әрекеттері көбейеді. Ал әскерге барғаннан кейін әлімжеттік басталады. Ақыры тепсе темір үзетін жігіттер үйге мүгедек болып қайтып жатады.
"Біздің ойымызша, зорлық-зомбылықты бірден тыйып отыру қажет. Бірақ бүгінде агрессорлар жасына байланысты жазадан құтылып жатады. Бізге Ұлыбритания сияқты кейбір қылмыстар бойынша жазаға тартудың шекті жасын қайта қарау керек сияқты. Мәселен, зорлау істері бойынша қылмыстық жауапкершілікке 14 жастан емес, 12 жастан бастап тартуға болады", - дейді Магеррамов.
Осы орайда депутат мектептерде жасөспірімдердің криминогендік мінез-құлқын анықтау және алдын алу шараларына да басымдық берген жөн.
