Қазақстан Сингапурмен сауда байланысын нығайтпақ
Фото: depositphotos.comМәжілістің жалпы отырысында депутаттар Қазақстан мен Сингапур арасында сауда байланысын нығайтуды көздейтін келісімдерді қолға алды, - деп хабарлайды Massaget.kz.
Бүгінгі отырыста "Бір тараптан Еуразиялық экономикалық одақ пен оған мүше мемлекеттер және екінші тараптан Сингапур Республикасы арасындағы еркін сауда туралы келісімге және Бір тараптан Еуразиялық экономикалық одақ пен оған мүше мемлекеттер және екінші тараптан Сингапур Республикасы арасындағы жан-жақты экономикалық ынтымақтастық туралы негіздемелік келісімді ратификациялау туралы" заң жобасы қаралды.
Депутат Нұртай Сабильянов құжаттың маңызды тұсына тоқталды.
"Еуразиялық экономикалық одақ пен оған мүше мемлекеттер және екінші тараптан Сингапур Республикасы арасындағы еркін сауда туралы және жан-жақты экономикалық ынтымақтастық туралы келісімдер 2019 жылғы 1қазанда Ереванда жасалған. Келісімдердің мақсаты – сауда-экономикалық ынтымақтастықты кеңейту, сондай-ақ тауарларды серіктестердің нарығына шығару және ЕАЭО елдеріне инвестиция тарту үшін қолайлы жағдай жасау. Экономикалық реформа және өңірлік даму комитеті осы заң жобасын қолға алуға, қорытынды әзірлеуге дайын", - деді Экономикалық реформа және өңірлік даму комитетінің төрағасы.
