Қазақстан жолаушылар ұшағын рекордтық көлемде импорттады

6 айдың қорытындысы бойынша шетелден сыйымдылығы 50-ден 300 адамға дейін 13 ұшақ сатып алынды. Мұндай көрсеткіш кем дегенде 2015 жылдан бері болмаған, деп хабарлады Ұлттық статистика бюросы.

Әдетте, бірінші жартыжылдықта елге әкелінген ұшақ саны бестен аспайды. Дегенмен 2018 жылы 8 ұшақ және 2024 жылы 13 ұшақ сатып алынса, 2016 жылы мүлде сатып алынбаған.

Негізгі жеткізушілер – Франция мен Ирландия, сәйкесінше 6 және 4 ұшақ. АҚШ 2, Германия 1 ұшақ жіберді.

Ақшалай есептегенде ұшақ импорты 656 миллион долларға жетті. Бұл өткен жылғы деңгейден номиналды түрде үш есе жоғары. Есеп бойынша бір ұшақ орташа есеппен 50,5 миллион доллар тұрады. Бір жыл бұрын 5 ұшақ жеткізілгенде бұл көрсеткіш 46,3 миллион доллар болған.