Әдетте, ұшақ жерге қона салысымен онда отырған жолаушылар қуанышын білдіріп, қол шапалақтап шулайды. Осыған қатысты fishki.net сайтының тілшілері ұшқыштар пікірін зерттеп көрген деп хабарлайды NUR.KZ.

  Ұшқыштар пікірінше, әуе кемесінің шассиі жерге тие салысымен қауіптің бәрі сейілді деп айтуға ерте екен.

  "Өзіңіз елестетіп көріңізші. Сіз өте маңызды нәрсемен шұғылданып, бар назарыңызды соған салып отырсыз. Сондай уақытта біреу келіп ойыңызды бөлсе, оған мән бермейсіз ғой?

  Тура сол сияқты, біз де қол шапалақтап жатқана еш эмоциясыз, қобалжып отырамыз. Сондықтан ұшақ толық тоқтаған кезде ғана қуаныш-алғыстарын білдіру орынды", - дейді бес жылдық тәжірибесі бар ресейлік ұшқыш Константин.

  Ұшақты 15 жылдан бері басқарып жүрген Максим де әріптесінің сөзін толық қолдайтынын жеткізді.

  "Оның орнына жолаушылар қауіпсіздік белбеуін ұшақ тоқтағанша шешпей отырса жақсы болар еді. Себебі әуеде кез келген жағдай болуы мүмкін. Әрбір адам өзінің сақтығын ойлауы керек", - деп кеңесін айтты ол.