Республикалық «Мектепке жол» қайырымдылық науқаны аясында Қазалы аудандық «Жанқожа батыр» атындағы орталық мешітте 100 балаға оқуға қажетті құралдар үйлестірілді.

Сауапты шарада Жанқожа батыр атындағы орталық мешіттің бас имамы Нұрдәулет Нәби жаңа оқу жылын бастағалы жатырған балаларға сәттілік тілеп, еліміздің болашағы болатын ұландар болып өсуіне тілектестігін білдірді. Сондай-ақ аудандағы әлеуметтік жағдайы төмен, аз қамтылған және көпбалалы отбасылардан шыққан 100 балаға мектепке қажетті оқу құралдары салынған сөмкелерді табыс етті.

Жалпы қайырымдылық науқаны аясында Қазалы ауданы бойынша 250-ден астам оқушыға мектепке қажетті оқу жабдықтары үлестіріледі деп жоспарланған.