Аманаттықтар баланы мектепке дайындауға атсалысуда
«AMANAT» партиясы жаңа оқу жылы қарсаңында «Баланы мектепке даярлайық!» жалпыреспубликалық қайырымдылық акциясын бастаған болатын. «Баланы мектепке даярлайық!» акциясы партиялық «Бақытты отбасы» жобасы аясында дәстүрлі түрде өткізіліп келеді.Бүгін аталған акция аясында «АМАNAT» партиясы Қазалы аудандық филиалы «Көлік» бастауыш партия ұйымының ұйымдастыруымен көпбалалы және толық емес отбасылардың балаларына жаңа оқу жылына даярлауға көмек берді.
«Бұл акцияның негізгі мақсаты — балаларға қажетті құрал-жабдықтар үлестірумен бірге, оларға мейірім мен қуаныш сыйлау. Ал бүлдіршіндердің қуанышы біздің де қуанышымыз», - деп атап өтті «Көлік» БПҰ төрайымы Ләззат Ізбасқан.
Мұнан соң, шара барысында балаларға кеңсе тауарлары және басқа да қажетті заттардан тұратын сөмкелер табысталды.
Өз кезегінде жиынға қатысқан ата-аналар жаңа оқу жылы қарсаңында балаларын мектепке даярлауға жәрдем берген партия мүшелеріне өз алғыстарын білдірді.
#AMANAT
