«Құқықтық көмек» партиялық жобасы бойынша тақырыптық қабылдау өтті
Өткен жылдан бері «AMANAT» партиясы халықтың құқықтық сауаттылығын арттырып, заңнамалық көмек беруді көздейтін «Құқықтық көмек» партиялық жобасын іске қосқан болатын. Бүгінде елімізде аталған жоба шеңберінде азаматтарға заңгерлік көмек көрсету жұмыстары жүргізіліп жатыр.Осы орайда бүгін партия алаңында Қазалы ауданы прокурорының орынбасары Ғанибек Сағатов тақырыптық қабылдау өткізді.
Қабылдауға келген кент тұрғыны А.Джантуреева баласының қайтыс болғанын, келінінің науқастығына байланысты аналық құқығынан айырып, немерелерін балалар үйіне өткізіп жібергенін, осы немерелерін өз қамқоршылығына алғысы келетінін айтып, осы мәселені шешіп беруін айтып жүгінді. Сондай-ақ, екінші тұрғын жер алу тақырыбында кеңес сұрады.
Келіп түскен өтініштер бойынша сала өкілі заңнама аясында түсіндірме жұмыстарын жасап, ҚР қолданыстағы заңнамалары аясында шешуге ықпал ететіндігін жеткізді.
#AMANAT
