Зейнетақы қорынан тіс емдеуге тыйым салынады
Фото: PexelsЕнді зейнетақы қорындағы ақшаны тіс емдеу үшін пайдалануға тыйым салынуы мүмкін. Бұл шектеу 10 тамыздан бастап алты айға созылмақ. Себебі қаражатты стоматологиялық қызметтерге емес, басқа мақсатта жұмсау фактілері тіркелген.
Мысалға, тіс импланттау, протездеу кезінде жалған құжаттар пайдаланылған. Қандай да бір нақты медициналық қызметтер көрсетілмеген. Мұндай заңсыздықтарды «Отбасы банк» қызметтік тексерулер кезінде анықтаған. Осыған байланысты Денсаулық сақтау министрлігі бұйрық жобасын әзірледі. Енді министр қол қойған жоба күшіне енсе, 10 тамыздан бастап қазақстандықтар стоматологиялық қызметтерге өз жинағын жұмсай алмайды.
