19 шілдедегі саудада доллардың қымбаттауы жалғасуда
Сурет: pixabayҚазақстан қор биржасы (KASE) 19 шілде күні сағат 15:30-да шетел валюталары бойынша сауда-саттықты жапты, деп хабарлайды Zakon.kz.
Сауда-саттықтың қорытындысы бойынша доллардың орташа сараланған бағамы тағы 1,33 теңгеге көтеріліп, 478,58 теңге болды.
Қытай юанінің орташа сараланған бағамы 65,86 теңгеге (+0,30) дейін өсті.
Ақша айырбастау орындарында доллар 476,7-478,7 теңгеге, еуро 519-523 теңгеге, ресей рублі 5,35-5,45 теңгеге сатылуда.
Сонымен бірге, 19 шілдедегі аукционда мұнайдың әлемдік бағасы төмендеп жатыр.
Осылайша, ICE Futures электрондық саудасында қыркүйек айындағы Brent фьючерстерінің құны 0,04%-ға арзандап, барреліне $85,08 құрады.
NYMEX электрондық саудасында WTI мұнайының қыркүйектегі фьючерстері 0,25%-ға төмендеп, барреліне 81,10 долларды құрады.
Бұған дейін Ұлттық банк доллар бағамын 477,03 теңге, еуроны 521,44 теңге, рубльді 5,43 теңге деп белгілеген болатын.
