Ғалымдар Египет пирамидаларының тағы бір құпиясын ашты
Фото: pexelsҒалымдар шөл далада тұрған Египеттегі пирамидалардың қалай салынғанының құпиясын зерттеді. Олар ежелгі египеттіктердің шөл далада мұндай құрылысқа материалдарды қайдан әкелгенін анықтады. Бұл туралы Stan.kz ақпарат агенттігі BBC басылымына сілтеме жасап хабарлайды.
Египет пирамидаларының басты құпияларының бірі – олардың көптеген тас блоктарды қалай, қайдан тасымалдағаны.
Уилмингтондағы Солтүстік Каролина университетінің ғалымдар тобы пирамидалар Ніл өзенінің жағалауында салынған болуы мүмкін екенін анықтады.
Алайда қазір бұл аумақ шөл мен құмға толы. Дегенмен ғалымдар бұрын бұл жерде өзен болғанын, кейін жоғалып қазір Сахара құмдары ауылшаруашылық жерлерінің барлығын басып тастағаны алға тартты. Осылайша ғалымдар көптеген жылдар бойы ежелгі мысырлықтар пирамидаларды салу үшін материалдарды жақын маңдағы өзендер мен арналар арқылы тасымалдаған деп болжады.
Ежелгі арнаның нақты қай жерде орналасқандығы туралы түсінік алу үшін халықаралық зерттеу тобы жер бедерінің спутниктік суреттерін, тарихи карталарды, геофизикалық сипаттамаларды және шөгінді ядроларды зерттеді.
NASA-ның американдық ғарыш агенттігінің радиолокаторын қолдану арқылы зерттеушілер жер бетіндегі құм жамылғысына тереңірек еніп, оның астындағы рельефтің фотосуреттерін анықтай алды.
