"Қатты жел соғып, найзағай ойнайды, жаңбыр жауады". 7 сәуірге арналған ауа райы болжамы
![](https://kaz.zakon.kz/pbi/WEBP/2024-04-06/file-59e22581-42cb-44b6-a61d-07b6a4a5e7df/800x450.webp)
"Қазгидромет" РМК мамандары еліміз бойынша 7 сәуірге арналған ауа райының жалпы болжамын жариялады, деп хабарлайды Zakon.kz.
Синоптиктердің болжауынша, елімізде ауа райы тұрақсыз болады, көбіне жаңбыр жауады. Жауын-шашын тек республикамыздың солтүстік өңірін айналып өтеді.
"ҚР аумағының басым бөлігінде атмосфералық фронтальды бөліктердің өтуіне байланысты ауа райының тұрақсыз сипаты сақталады, жаңбыр жауады, республикамыздың оңтүстік-шығысында қар аралас жаңбыр жауады деп болжанады. Жауын-шашынсыз ауа райы антициклон ағымы әсерінен тек солтүстік аймақтарда ғана болады. ҚР бойынша тұман, желдің күшеюі жалпы сипат береді, еліміздің оңтүстігінде, оңтүстік-шығысында дауыл тұрып, найзағай ойнайды деп күтіледі".
"Қазгидромет" РМК
Алматы қаласында 6 сәуірде сағат 17:00-ден кейін жаңбыр жауып, оның келесі күнге дейін жалғасатыны болжанған.