Қазақстан бойынша айт намазының кестесі жарияланды
Фото: muftyat.kzРамазан айының да аяқталуына санаулы күндер қалды. 10 сәуір – Ораза айт мейрамы. Қазақстан мұсылмандары діни басқармасы осы күні оқылатын Ораза айт намазының еліміз бойынша әзірленген кестесін назарларыңызға ұсынады. Бұл туралы Stan.kzақпарат агенттігі хабарлайды.
Астана және Шымкент қалаларында айт намазы 10 сәуірде сағат таңғы 07.00-де, ал Алматыда сағат таңғы 06.30-да оқылады.
Графика: ҚМДБ ресми сайты | 2024 жылғы Ораза айты намазының кестесі
Айта кетейік, Ораза айт (араб — 'ид әл-фитр) — ораза ұсталатын Рамазан айынан кейінгі Шәууәл айының бірінші күні, мұсылмандардың маңызды діни мейрамы. Исламдағы екі айт мейрамының бірі. Бұл күні мұсылмандар мешітте жиналып жамағатпен айт намазын оқиды. Ораза ұстауға тыйым салынған күн.
