2022 жылғы Ораза кестесі
Биыл Рамазан айы 2 сәуірде басталып, 1 мамырда аяқталады. Ораза 30 күн болмақ. 28 сәуірге қараған түн – Қадір түні, деп хабарлайды Zakon.kz.Ораза кестесін мына жерден де жүктеп алуға болады. Биыл пітір садақа мөлшері жан басына 500 теңге болып белгіленді. Пітір садақаны рамазан айының бірінші күнінен ораза айт намазына дейін беруге болады.
Оразаға ниет ету дұғасы: Алла разылығы үшін таң атқаннан күн батқанға дейін рамазан айының оразасын ұстауға ниет еттім.
Ауызашар дұғасы: Уа, Жаратқан ием! Сенің разылығың үшін ораза ұстадым. Саған иман келтірдім. Бір өзіңе тәуекел еттім. Өзің берген ризықпен ауыз аштым. Уа, кешірімді Алла, менің біліп-білмей істеген күнәларымды кешір!
Сәресі ішу таң намазының кіруіне 10 минут қалғанда тоқтатылады. Ауызды ақшам намазының уақыты кіргенде сумен, құрмамен немесе басқа да жеміспен ашуға болады.Тарауық намазы құптан намазынан соң оқылады. Ал үтір-уәжіп намазы ең соңынан жамағатпен оқылады.
