Қазақстан және Жапон ғалымдары бірлесіп археологиялық зерттеулер жүргізеді

Халықаралық ғылыми жобаны жапондық әріптестермен ұтып алған Құрманиязов Ыслам – Қорқыт ата атындағы Қызылорда университетінің археология және этнография орталығының ғылыми қызметері.

Жобаны Жапонияның Білім, мәдениет, спорт, ғылым және технологиялар министрлігі қаржыландырды. Токио қаласындағы Мэйдзи университеті, Обсиадан және тастарды зерттеу орталығымен бірлесе 2024-2027 жылдарға берілді.  

Ғалымдар Арал маңының ежелгі дәуірлер ескеркіштерін табылған жәдігерлерге архео-ботаникалық әдіс арқылы зертханалық талдау (қыш ыдыстарға) зерттеу жұмыстарын жүргізеді.

Қазіргі таңда университеттер екі жақты меморандумға қол қоюға дайындық жүргізілуде.

Зерттеушілер құрамына келесі қазақстандық және жапондық ғалымдар кіреді: Эйко Эндо – философия докторы (PhD), Мэйдзи университеті, Обсиадан және тастарды зерттеу орталығының ғылыми қызметкері, Шинья Шода – философия докторы (PhD), Нара ұлттық мәдени құндылықтарды зерттеу институтының халықаралық ынтымақтастық бөлімінің меңгерушісі және Қорқыт Ата Қызылорда университетінен гуманитарлық ғылымдар магистрі, докторантураның түлегі Ыслам Құрманиязов.

Ыслам Құрманиязовтің айтуынша, Жапон ғалымдары қыш ыстардағы ас қалдықтарын зерттемек. «Сыр өңірінің Аралдың солтүстік шығыс бөлігінде қола және темір дәуірінде мекендеген тайпалардың, егіншілердің, бақташылар тұрмыста қолданған қыш ыдыстарын зерттейді. Әсіресе тары, бидай секілді дақылдарды қаншалықты деңгейде пайдаланғанын қыш ыдыстардан алынған астық қалдықтарына кешенді зерттеу жүргізеді» - дейді жас ғалым.

Тамыз айында жапондық ғалымдардың Сыр өңіріне іс-сапары жоспарланған. Іс-сапар аясында университет базасындағы археологиялық қазбалар кезінде табылған қыш ыдыстарды зерттеп, Қазалы, Арал аумағындағы ескерткіштерді аралайды. Жоба аясында екі ел ғалымдары тәжірибе алмасып, бірлескен жұмыстарды арттырмақ. Сонымен қатар халықаралық басылымдарға бірнеше ғылыми еңбектер жариялау жоспарланып отыр.