Бірыңғай уақыт белдеуінде намаз уақыты қалай өзгереді? Мүфтият жауап берді
Фото: informburo.kz2024 жылдың 29 ақпанынан 1 наурызға қараған түні сағат 00:00-де Астана, Алматы, Шымкент, Абай, Ақмола, Жамбыл, Жетісу, Қарағанды, Қостанай, Павлодар, Солтүстік Қазақстан, Түркістан, Ұлытау және Шығыс Қазақстан облыстары жергілікті уақытты 1 сағатқа артқа жылжытады. Осылайша, елдің барлық аймағы 5-ші сағаттық белдеуге көшеді. Осы орайда Қазақстан мұсылмандары Діни басқармасы намаз уақытының өзгеруіне қатысты мәлімдеме жасады, деп жазады Egemen.kz.
«Алла қаласа 29 ақпаннан 1 наурызға қараған түні сағат 00:00-де Қазақстан бойынша UTC (Дүниежүзілік үйлестірілген уақыт) +5 уақытына ауысқан сәтте намаз уақыттары да автоматты түрде өзгереді. Қазақстан мұсылмандары діни басқармасының ресми www.muftyat.kz сайтындағы намаз кестесінен өздеріңізге қажетті ауыл мен қаладағы намаз уақыттары жайлы мәліметтерді алуға болады», делінген Мүфтият хабарламасында.
Жұма намазына қатысты мәлімет төмендегі кестеде көрсетілді.
