Бүкіл Қазақстан бойынша дабыл қосылды
Фото:depositphotos.comБүкіл Қазақстан бойынша сирена ойнады. Не болғанын Tengrinews.kz анықтады.
Төтенше жағдайлар министрлігі мәліметінше, жұма - 23 ақпанда Қазақстанның барлық аймақтарында жоспарлы сейсмикалық оқу-жаттығу жұмыстары жүргізіледі.
"Сейсмикалық жаттығулар күні халықты хабардар ету жүйесі іске қосылады. Сейсмикалық жаттығудың негізгі мақсаты - жер сілкінісі қаупі мен жер сілкінісі кезіндегі іс-әрекетке халықтың дайындық деңгейін арттыру", - деді ТЖМ өкілдері.
Төтенше жағдайлар министрлігі тұрғындарға ескертуді елеусіз қалдырмай, сейсмикалық дайындыққа белсене қатысуды ұсынады.
