Қазақстанда электронды қызметтермен байланысты рәсімдер жеңілдетілді
фото: Н.НҰРЖАУБАЙҚазақстанда ЕАЭО шеңберінде салықтық есепке қою және электронды қызметтерге қосымша кіріс салығын төлеу рәсімі жеңілдетілді. Қазақстан сенаты Еуразиялық экономикалық одақ туралы шартқа электронды нысанда қызмет көрсету кезінде жанама салықтарды алу тәртібін айқындауға қатысты өзгерістерді мақұлдады.
"Хаттаманы ратификациялау ЕАЭО-ға мүше мемлекеттер бюджеттерінің қажеттілігін қамтамасыз етуге, экономикалық конъюнктураны жақсартуға, электронды нысанда қызмет көрсететін кәсіпорындардың табыстылығын арттыруға және сайып келгенде – ЕАЭО-ға мүше мемлекеттер арасындағы ынтымақтастықты, сондай-ақ басқа елдермен ынтымақтастықты нығайтуға ықпал етеді", - деді депутат Сұлтанбек Мәкежанов.
Оның айтуынша заң:
ЕАЭО ішінде, сондай-ақ қосымша кіріс салығын төлеудің ашық және айқын тетігі бар үшінші елдермен салық салудың тең жағдайларын жасауға;
салықты басқаруды жеңілдетуге;
электронды қызметтер саласында бизнесті жүргізуді жеңілдетуге мүмкіндік береді.
Түзетулерге сәйкес электронды нысанда көрсетілетін қызметтердің тізбесі қалыптастырылады, барлығы – 14 қызмет. Сондай-ақ электронды нысанда қызмет көрсету кезінде қызметті жүргізу орнының тәртібі мен шарттары және ҚҚС төлеу тәртібі айқындалады. Бұған дейін ЕАЭО-да интернет-сауданың жаңа ережелері әзірленіп жатқаны хабарланған болатын.
