Енді етті QR арқылы сканерлеп тексеріп алуға болады
Фото: rodinananeve.ruБүгінгі таңда барлық сала цифрлық жүйеге көшіп келеді. Ендігі кезекте еттің өзін QR арқылы сканерлеп тексеріп алуға болады. Бұл пилоттық жоба бүгінде бір өңірде ғана енгізілген, деп хабарлайды Altaynews.kz.
Цифрлық жүйеге негізделген «Vetlab» ветеринарлық бағдарламасы еттің еркек немесе ұрғашы малдікі екендігін және иесі кім болғандығын, тіпті қай өңірде жайылып, қай уақытта сойылғандығы туралы ақпарат береді, деп хабарлайды Altaynews тілшісі.
«Vetlab» цифрлы ветеринарлық-санитарлық сараптама жүйесінің пилоттық жобасы Палводар өңірінде жүзеге асырылуда. Ондағы жұрт қаңтар айынан бастап «Jailau» фермерлік нарығынан ет сатып алушылар сөредегі өнімнің сапасын өз беттерімен анықтауға мүмкіндік алған.
Бұл жоба алдағы уақытта басқа өңірлерде де жүзеге аспақ. Бұл цифрлық жүйе азық-түлік тізбегінде ашықтық қалыптастырып, агроөнеркәсіп тауарын өндірушілердің жауапкершілігін күшейте түспек.
