Студенттерге енді жатақханадан орын алу үшін өтініш жазудың қажеті жоқ
Фото: vuzopedia.ruБұдан былай, студенттер электронды үкімет сайтында телефон нөмірін тіркеп, SMS ала алады. Студенттік жатақханадағы орындар проактивті форматта бөлінеді. Студентке өтініш жазудың қажеті жоқ.
"Жоғары және жоғары оқу орнынан кейінгі білім беру ұйымдарының жатақханаларында орындарды бөлу қағидаларын бекіту туралы" бұйрыққа осындай түзетулер жобасы қоғамдық талқылау үшін жарияланды. Телефон нөмірін тіркегеннен кейін студент автоматты түрде мемлекеттік қызметті көрсету туралы хабарлама алады. Ол тек келісімді немесе қызмет көрсетуден бас тартуды жіберуі керек, содан кейін қажетті құжаттарды ұсынады. Қағидалардың қолданыстағы редакциясына сәйкес, жоғары немесе жоғары оқу орнынан кейінгі білім беру ұйымының ақпараттық жүйелері және электрондық үкімет порталы арқылы өтініш қабылданады және мемлекеттік қызметті көрсету нәтижесі беріледі.
