Ауыл тұрғыны, жас кәсіпкер Қаракөз Қалжанның ауыл орталығынан сұлулық салоны ашылды. Ашылу салтанатына ауыл әкімі Қ.Құрманбаев пен аудандық жастар ресурстық орталығының кеңесшісі А.Алпамыс қатысып, салон жұмысына сәттілік тілеп, сөз сөйледі.

Қалжан Қаракөз осы жылы "Zhas project" бағдарламасы аясында байқауға қатысып, бір миллион теңге көлемінде грант иегері атанған болатын. Жас кәсіпкер бұл қаржыға сұлулық салонына қажетті құрал-жабдықтар сатып алды. Қазіргі уақытта сұлулық салоны шаш бояу, сәндеу, қас-кірпікті әсемдеу т.б. қызметтерін көрсетеді.

Иә, еңбектенген адам табысқа жетері сөзсіз. Сұлулық салонын ашып, жұмыс істеу – кез келгеннің қолынан келмейтін шаруа. Сондықтан келешегінен мол үміт күттіретін кәсіпкердің ісіне береке мен толағай табыс тілейміз.