Бекарыстан би ауылында Қазалы ауданының 95 жылдығына орай көкпар ұйымдастырылды.

Ауыл жастарының ұйытқы болуымен өткен тартысқа Әйтеке би кенті, Қазалы қаласы, Ү. Түктібаев, Майдакөл, Ғ.Мұратбаев, Жалаңтөс, Құмжиек және көршілес Арал ауданынан барлығы 50-ге жуық көкпаршылар қатысты.

Ат үстінде білектің күшімен салым салуға асыққан жігіттердің бәсекесіне аудан әкімінің орынбасары Дәурен Тілеумбетов қатысып, көкпаршыларға сәттілік тіледі.

Айта кетейік, аламанда 40 салым салынып, 700 мың теңге ақша тігілді.