Жазғы Азия ойындарында қоланы жүлделеді
Қытай елінің Ханчжоу қаласында өтіп жатқан XIX Жазғы Азия ойындарынан ақ жолтай жаңалық жетті.Аспан асты елінде жерлесіміз, дзюдошы Абылайхан Жұбаназар 81 келіге дейінгі салмақ дәрежесінде бақ сынап, қола жүлде еншіледі.
Шешуші сәтте өзбекстандық Мусо Собировтан айласын асырған Абылайхан Қазақстан қоржынына төртінші қола жүлдені салып берді.
– Бұл жеңіс – Қазалы халқының ғана емес, тұтас Қазақ елінің жетістігі. Абылайханның бұл жүлдесі – Қызылорда облысының – 85 жылдығына және Қазалы ауданының – 95 жылдығына тамаша тартуы деп білемін. Абылайханды керемет жетістігімен шын жүректен құттықтап, аудан намысын байрақты бәсекелерде қорғайтын намысты спортшылар қатары көбейе берсін деген тілектеміз, – деді Қазалы ауданының әкімі Мұхтар Оразбаев.
Айта кетейік, аудан мақтанышы жыл басынан бері Грузия мемлекетінде өткен “GRAND SLAM” бәсекесінде күміс жүлдеге және Моңголия еліндегі “GRAND SLAM” додасында қола жүлдеге ие болды.
«ҚАЗАЛЫ» ақпарат
