Наурыздың соңғы күндері жылы ауа райымен қуантады – синоптиктер
Қазгидромет 25-27 наурыз күндеріне ауа райы болжамын ұсындыСиноптиктердің болжамынша, алдағы күндері еліміздің басым бөлігінде күн ашық әрі жылы болады.Қазгидрометтің ақпаратынша, жоғары атмосфералық қысым алқабының әсерінен еліміздің басым бөлігінде ауа райы негізінен жауын-шашынсыз болады. Тек жекелеген аудандарда түнде аздап жаңбыр және қар, күндіз аздаған жаңбыр жаууы мүмкін, жел күшейеді.
27 наурызда еліміздің оңтүстік-шығысында – жаңбыр, таулы аймақтарда тұман болжанып отыр.
Температуралық фонда айтарлықтай ауытқу болмайды.
Республиканың батысында күндіз 12-26 градус жылы, солтүстік-батыста 5-20 градус жылы, солтүстікте, шығыста және орталықта 2-15 градус жылы, оңтүстікте және оңтүстік-шығыста 13-25 градус жылы, таулы аймақтарда 8-13 градус жылы болады.
