Бүгінгі ҚР Парламенті мәжілісінің және мәслихаттарының депутаттарын сайлау науқанына жиылғандар легі жалғасын табуда. №91 сайлау учаскесіне қарайтын Қазалы ауданының №17 мамандандырылған резервтік оимпиадалық балалар жасөспірімдер спорт мектебінің грек-рим күресінің жаттықтырушысы Самат Оспан арнайы келіп, өз таңдауын жасады. Ол жуырда Болгария мемлекеті ұйымдастырған грек-рим күресінен ардагерлер арасында өткен Әлем чемпионатының күміс жүлдегері атанды. Жақында халықаралық дәрежедегі спорт шебері атағына ие болды. Әлемді өзіне қаратқан жігіт ағасы ел тыныштығын тілеп, жастарға спортпен айналысуға мол мүмкіндіктер қарастырылса деген өтінішін жеткізді.

#сайлау

#халықаралықдәрежедегіспортшебері