Саяси науқанға аудан тұрғындары белсенділік танытуда. Оның ішінде ауданға қарасты сайлау учаскелерінде түрлі іс-шаралар ұйымдастырылып жатыр.

Атап айтқанда, №61 сайлау учаскесінде ерекше көңіл-күй. Комиссия мүшелері ұлттық нақыштағы костюмдерін киіп, тұрғындарды қарсы алуда. Ал дауыс берушілер науқанға сәт сайын келіп жатыр. Дауыс беруге келген кент тұрғыны Айсәуле Базарбаева бүгінгі сайлаудан зор үміт күтетінін жасырмады.

– Біз ел болашағына зор үмітпен қараймыз. Қазір әлемде тұрақтылық сақталып тұрған жоқ. Сондықтан ел өркендеуін қамтамасыз етіп, тұрақтылықты сақтауға еңбек ететін білікті азаматтар мемлекетке қызмет етуі тиіс. Сондықтан да әрбір тұрғынды сайлауда жауапкершілік танытып, дұрыс таңдау жасауға шақырамын, - дейді кент тұрғыны.

Бүгінгі сайлауға келушілер таңертеңнен бері белсенділік танытып, ел келешегіне кемел көзқараспен қарайтындарын аңғартуда.

#сайлау