Жастар жылы шыраймен қарсы алған ақсақалға сый-құрмет көрсетіп, ел үшін еткен ерлігі мен әрбір қазақстандықтың бүгінгідей бейбіт күнді кешуіне бірден-бір үлес қосқанына шексіз алғыстарын жеткізді. Майдангер игі іспен айналысып жүрген жас буынға ыстық ықыласы мен ақ батасын берді.

Айта кетейік, Қазалының топырағынан түлеп ұшқан Тілеуберген ақсақал жеңісті Берлинде қарсы алған. Танк тізгіндеген ол Польша, Чехословакия, Беларусьті басқыншылардан азат еткен.