Жастардың даму индексі ұғымын заңнамалық бекіту ұсынылды
Мұны сарапшылар мен халықаралық мамандармен жан-жақты талқылады. Бұл туралы Орталық коммуникациялар қызметі алаңында өткен брифингте ҚР Ақпарат және қоғамдық даму вице-министрі Данияр Қадыров айтты.Жиында ол "ҚР кейбір заңнамалық актілеріне мемлекеттік жастар саясаты және әлеуметтік қамсыздандыру мәселелері бойынша өзгерістер мен толықтырулар енгізу туралы" Заң жобасына тоқталды.
"2021 жылғы 15 қаңтарда Парламент палаталарының бірлескен отырысында Мемлекет басшысы жастарға байланысты ұсыныстарды нақтылаған болатын. Заң жобасы көпшілікпен талқыланды, көптеген дөңгелек үстелдер өтті. Сарапшылармен, халықаралық мамандармен жан-жақты талқыланып, дайындалды. Жалпы, Заң мемлекеттік жастар саясаты саласын жетілдіруге, қоғамдық қатынастарды кешенді реттеудің тиімді құқықтық негізін қалыптастыруға, жұмыспен қамтуды қамтамасыз етуге, жастардың дамуы үшін қолайлы жағдайлар жасауға бағытталған. Заңда жастардың даму индексі; жастардың әлеуметтік қызметтері; жастармен жұмыс жөніндегі маман; жастардың еңбек жасақтары ұғымдарын заңнамалық бекіту ұсынылды", - деді спикер.
