2023 жылы ТМД-ға қай елдің төрағалық ететіні белгілі болды
Бүгін Астанада Тәуелсіз Мемлекеттер Достастығына төрағалық ету мәселесі қаралдыЕлордада өтіп жатқан ТМД мемлекеттері басшылары кеңесінің отырысында делегация басшылары 2023 жылы Тәуелсіз Мемлекеттер Достастығына төрағалық ету туралы шешім қабылдады, деп хабарлады azattyq-ruhy.kz.ТМД Атқарушы комитетінің төрағасы Сергей Лебедев 2023 жылы ұйымға мүше елдердің арасында қай мемлекет төрағалық ететінін мәлімдеді.
«Тәуелсіз Мемлекеттер Достастығына төрағалық ету туралы мәселе қаралды. Делегация басшылары 2023 жылы Достастыққа төрағалық ету туралы шешім қабылдады, оны Қырғыз Республикасы жүзеге асырады, Қазақстан Республикасы мен Ресей Федерациясы тең төрағалық етеді. Қырғыз Республикасының ұсынысы бойынша ТМД Мемлекеттері Басшылары кеңесінің келесі отырысы 2023 жылғы 13 қазанда Бішкек қаласында өтеді», - деді ТМД Атқарушы комитетінің төрағасы Сергей Лебедев.
