Балық өндіру зауытының жұмысшылары партияның кезектен тыс XXIV съезі қорытындысын қолдайды
Бүгін «СПК Қызылорда Балық» зауытының жұмысшы-қызметкерлерімен партияның кезектен тыс ХХIV Съезі мен Халықтық коалиция форумының қорытындысын талқылау бойынша кездесу өтті.Жиынға Съезд делегаты, партияның Саяси кеңес мүшесі Аманбай Ерхатов қатысып, маңызды саяси шарада «AMANAT» партиясы атынан Президенттікке Қасым-Жомарт Тоқаевтың кандидатурасы ұсынылып, оның делегаттар тарапынан бірауыздан қолдау тапқандығын және партияның басты Саяси құжаты жаңа тұғырнама жөнінде айтып, Съезд шешімдерімен таныстырды.
Сонымен қатар, түрлі саяси және қоғамдық күштердің ауызбіршілігі қоғамды топтастырудың мүлдем жаңа деңгейін көрсеткенін, осыған сүйене отырып, саяси партиялармен, қоғамдық бірлестіктер, Қасым-Жомарт Тоқаевты қолдау жөніндегі Халықтық Коалиция құру туралы шешім қабылдағанын атап өтті.
Кездесу соңында жиынға қатысушылар Қасым-Жомарт Тоқаевтың Президенттікке ұсынылуын толық қолдайтындарын айтып, Съезд шешімі бойынша оң пікірлерін білдірді.
"ҚАЗАЛЫ" ақпарат
