Қасым-Жомарт Тоқаевтың кандидатурасы тіркелді-ОСК
Орталық сайлау комиссиясы Қазақстан Республикасының Президенттігіне үміткер Қасым-Жомарт Тоқаевтың кандидатурасын тіркеді, деп хабарлайды baq.kz.Орталық сайлау комиссиясының 11-отырысының күн тәртібінде осы мәселе қаралды.
Қазақстан Республикасының сайлау туралы Конституциялық заңының 59 бабының 5-тармағына сәйкес барлық құжаттар толық қабылданды. Сондай-ақ, кандидатты тіркеу үшін барлық рәсімдер сақталды,-деді Орталық сайлау комиссиясының төрағасы Нұрлпн Әбдіров.
Сондай-ақ, Президенттікке үміткер Қасым-Жомарт Кемелұлы Тоқаевтың куәлігі кандидаттың сенімді өкілі Ерлан Жақанұлы Қошановқа табысталды.
Естеріңізге сала кетейік, 2022 жылдың 7 қазанында Орталық сайлау комиссиясына бірнеше қоғамдық бірлестіктер Президенттікке кандидат ретінде Қасым-Жомарт Кемелұлының кандидатын ұсынған болатын.
Кандидатты қолдау мақсатында барлық өңірден 399 809 қол жиналған.
