Nazarbayev University-нің Master of Science in Finance бағдарламасы бойынша 2022-2023 оқу жылына арналған түсу емтихандарының нәтижесіне сай 20 кандидатқа Ұлттық Банктің гранттарын ұсынды. Ал, Нархоз университетінде "қаржы талдаушысы", "қаржылық тәуекел-менеджер", "макроталдау және болжау" және "актуарий" бағдарламаларына 22 магистрант іріктеуден сәтті өтіп, Ұлттық Банктің гранттарын иеленді.

Студенттермен оқу шарттары жасалады. Олар оқу аяқталғаннан кейін Ұлттық Банкке және оның еншілес ұйымдарына, сондай-ақ Қаржы нарығын реттеу және дамыту агенттігіне жұмысқа орналасады.

Бұған дейін Нархоз университеті және Ұлттық банк арасындағы ынтымақтасқа сәйкес 2003 пен 2018 жылдар аралығында 700-ден астам магистрант даярланды. Алғашқы лекті аяқтаған 11 магистрант Ұлттық Банкке және 8 магистрант Қаржы нарығын реттеу және дамыту агенттігіне жұмысқа орналасты. Ал, Nazarbayev University-мен арадағы ынтымақтастық бойынша Master of Science in Finance бағдарламасы бойынша оқыған 75 магистранттың 50 түлегі Ұлттық Банкте жұмыс істейді. Қалған түлектер – қаржы секторында.

Бағдарламалардың мазмұны және оқуға қойылатын талаптармен Nazarbayev University Жоғары бизнес мектебінің gsb.nu.edu.kz/programmy сайтында және Нархоз университетінің қолданбалы қаржы магистратурасының applied-finance.narxoz.kz сайтында танысуға болады.