Тоғыз өңірде ескерту жарияланды
Төтенше өрт қаупі сақталады, үсік жүреді.Синоптиктер Қазақстанның тоғыз облысында ауа райына байланысты ескерту жариялады.Абай облысының солтүстік-батысында, солтүстігінде, шығысында және Ақтөбе облысының оңтүстігі мен шығысында төтенше өрт қаупі сақталады.
Күндіз Атырау облысының батысында, оңтүстігінде оңтүстік-шығыстан жел соғып, екпіні 15-20 м/с жетеді.
Шығыс Қазақстан облысының солтүстік-шығысында түнде 1 градус аяз.
Батыс Қазақстан облысының батысында найзағай ойнайды. Оңтүстік-шығыстан жел соғып, күндіз облыстың оңтүстігінде жел екпіні 15-20 м/с дейін күшейеді.
Қостанай облысының басым бөлігінде және Павлодар облысының орталығында өте жоғары өрт қаупі сақталады.
Қызылорда облысында және Түркістан облысының басым бөлігінде төтенше өрт қаупі сақталады.
