Елорданың атын өзгертуді Сенат пен Мәжіліс мақұлдады
Парламент палаталарының 16 қыркүйекте өткен бірлескен отырысында Нұр-Сұлтан қаласының атауын Астана деп өзгерту мақұлданды, деп хабарлайды Zakon.kz.Елорданың атын өзгерту туралы бастаманы «Жаңа Қазақстан» депутаттық тобы көтерді.
Парламент палаталарының бірлескен отырысында «Жаңа Қазақстан» депутаттық тобының ұсынысына депутаттар бірауыздан «мақұл» деп дауыс берді.
2 қыркүйекте «Жаңа Қазақстан» депутаттық тобының мүшелері елорданың бұрынғы атауы – Астананы қайтаруды ұсынды.
Конституциялық заң жобасында Нұр-Сұлтан атауын өзгерту туралы ұсыныс енгізілді.
15 қыркүйекте жұртшылық елорданың атын өзгертуді қолдады.
15 қыркүйекте мәслихат депутаттары елорданың атын Астана деп өзгертуді қолдады. Дәл осы күні мәслихат елорданың атын өзгертудің ықтимал құнын атады.
14 қыркүйекте ономастикалық комиссия елорданың атын өзгерту туралы ұсынысты қолдады.
