Министр әуе компанияларына жаңа ұшақтар сатып алуды тапсырды
Индустрия және инфрақұрылымдық даму министрі Қайырбек Өскенбаев әуе компанияларына жаңа ұшақтар сатып алуды тапсырды, деп хабарлайды zakon.kz.Оның айтуынша, соңғы уақытта ел ішінде де, халықаралық бағыттарға да рейстерге қатысты келіп жатқан хабарлама көбейген. Министр мәселені жедел шешу үшін қазақстандық әуе тасымалдаушыларына жаңа ұшақтар сатып алуды тапсырыпты.
Жыл соңына дейін жалпы сыйымдылығы 2,5 мың орын болатын 14 жаңа ұшақ пайдалануға беріледі. Атап айтқанда, SCAT 9 ұшақ, Fly Arystan – 3 және Air Astana – 2.
Қайырбек Өскенбаев
Ол бұл шаралар тасымалдау қабілетін айтарлықтай жақсартады деп санайды.
Әуе қатынасына сұраныс жыл сайын артып келеді. Сондықтан өсіп келе жатқан сұранысты қанағаттандыру және рейстердің кешігуін азайту мақсатында 2025 жылға қарай қазақстандық әуе кемелерінің паркі 51 бірлікке толығады.
Рейстің кешігуіне байланысты тергеу басталды.
Рейстерді кешіктіру және тоқтату кезінде жолаушылардың құқықтарын бұзу фактісі анықталса, әуе компаниялары әкімшілік жауапкершілікке тартылады.
