Халықпен диалог орнатудың маңызы ерекше
Қоғамда кезегін күткен әлеуметтік мәселе жеткілікті. Мысалы, халықтың мұң мұқтажына құлақ түретін партияның қоғамдық қабылдауында осы бағыттағы мәселелер көбірек қозғалады.Облыстық мәслихат депутаты, «AMANAT» фракциясының мүшесі Оңғарбаев Аманжол Сақыпұлы өткізген қабылдауда да осы үрдіс байқалды.
Қабылдауға келуші тұрғындар әлеуметтік, қоғамдық мәселелерін ортаға салып оң шешуге ат салысуды сұрады. А. Оңғарбаев келушілерге денсаулық сақтау, тұрғын үй-коммуналдық тақырыптар бойынша сұрақтарына түсіндірме беріп, әлеуметтік көмекке мұқтаж тұрғындарға көмек көрсету мүмкіндігі қарастырылатынын жеткізді.
