Тəуелсіздік – тұғырың сенің биікте
Əйтеке би кентіндегі №266 мектеп-лицейде Елбасының «Болашаққа бағдар: рухани жаңғыру", Ұлт жоспары «100 нақты қадам" бағдарламасы аясында «Жас Ұлан» ұйымының ұйымдастыруымен Тəуелсіздік күніне орай, "Тəуелсіздік – тұғырың сенің биікте» атты салтанатты мерекелік жиын өтті.Жиында мектебіміздің белсенді 100 оқушысы мойындарына көк байрағымызға түстес галстук тағып, "Жас Ұлан" қатарына салтанатты түрде қабылданды. Салтанатты кеш бастауыш сыныптарының үздіктер шеруімен жалғасып, оқуда озат, түрлі өнер байқаулары мен республикалық, облыстық, аудандық пəн олимпиада жеңімпаздары марапатталды.
Мектеп басшылары мен тəжірибелі ұстаздар ұландарды шын жүректен құттықтап, зор жетістіктер тілеп, ізгі лебіздерін білдірді.
Жасай бер, жаса «Жас Ұлан!»
Майра МӘМБЕТОВА,
№266 мектеп-лицейдің тәлімгері.
