Бірнеше өңірде дауылды ескерту жарияланды

«Қазгидромет» РМК бірқатар облыстарда дауылды ескерту жариялады, деп жазады egemen.kz

11-13 қыркүйек күндері Жамбыл облысының таулы аудандарында найзағай және бұршақ күтіледі. Батыстан, солтүстік-батыстан жел соғады. Облыстың оңтүстік-батысында, батысында 15-20 м/с күтіледі. Төтенше өрт қаупі сақталады.
11 қыркүйекте Қарағанды облысының батысында, солтүстігінде, солтүстік-шығысында найзағай күтіледі. Оңтүстік-батыстан жел соғады, түнде облыстың солтүстігінде, күндіз облыстың басым бөлігінде 15-20 м/с дейін күшейеді. 
Қарағанды қаласында да ертең найзағай түсу ықтималдығы жоғары. Оңтүстік-батыстан екпіні 15-20 м/с жететін күшті жел соғады.
Сондай-ақ ертең Солтүстік Қазақстан облысының шығысында найзағай ойнайды. 
Петропавл, Орал қаласы мен Батыс Қазақстанда екпінді жел соғады.