QazVac вакцинасының штамм құрамы өзгеретін болды
Қазақстандық QazVac вакцинасының штамм құрамы өзгертіледі. Бұл туралы Биологиялық қауіпсіздік проблемалары ғылыми-зерттеу институтының бас директоры Күнсұлу Закария мәлімдеді, - деп хабарлайды Tengrinews.kz."Үкіметтің тапсырмасы бойынша "дельта" штамы ел аумағына кірген кезде, жұмыс басталды. Клиникаға дейінгі зерттеулер толығымен жануарларға жүргізілді және вакцинадағы штамм құрамын ауыстыру жануарларда жоғары нәтиже көрсетті", - деді Күнсұлу Закария ОКҚ онлайн-брифингінде.
Оның айтуынша, қазір ақпарат Денсаулық сақтау министрлігіне жіберілген және "вакцинаның келесі партиясындағы штамм құрамын ауыстыру бойынша бірлескен жұмыс жүргізіліп жатыр".
"Денсаулық сақтау министрлігі бұл қиын жағдайды түсініп, бұрын-соңды болмаған қадамға барады - ДДСҰ-дан кеңес алмай, тұмауға қарсы вакциналар тәжірибесі бойынша, жақын күндері "дельта" штамын ауыстыруға ресми рұқсат беріледі. "Ухан" коронавирусын "дельта" штамына ауыстырамыз, ол өте жақсы нәтиже көрсетті", - деп қосты Закария.
Оның айтуынша, штамды алмастыратын барлық сынақ екі ай бұрын жануарларға жүргізілген. Қорытындылай келе, ғалымдар препаратты сынап көрген.
