Суландыру саласында серпін бар
Мемлекет басшысы Қасым-Жомарт Тоқаевтың биылғы Жолдауында көптеген өзекті мәселелер қаралған. Олардың қатарындағы Қазақстанның ауыл шаруашылығы әлеуеті орасан зор екені көкейге көп ой түйдірді. Бүгінде үкімет алдында тұрған басты міндет – су жайы. Өзектілігін танытып отырған түйкілді қозғаған ел Президенті Біріккен Ұлттар Ұйымының жаһандық деңгейде су ресурсы тапшылығы туындайтынын айтқан болжамын қаперге салған.2030 жылға қарай су тапшылығының көлемі 40 процентке кемейтіні айтылуда. Бұл тығырықтан шығу жолында жаңа технология мен цифрландыру арқылы суды үнемдеуге көшуі қажеттігін көрсетіп отыр.
Сондай-ақ Ақмола, Алматы, Батыс Қазақстан, Жамбыл, Қызылорда, Түркістан облыстарында жаңадан 9 су қоймасы салынады деген жағымды жаңалық көңілге қуаныш сыйлады. Бұл ауқымды жобаның берері көп.
Ал өңірлерді дамытудың ұлттық жобасы аясында бес жыл ішінде халықтың 100 процентін таза ауызсумен қамтамасыз етуді тапсырған Мемлекет басшысы елдің ертеңгі күнін ойлап, осындай шешімге келгені сөзсіз. Жаңа жолдау бізге жаңа серпін берді.
Осындай Президент көтерген мәселелерді қолдап, бір болатынымызды көрсетейік.
Мінәжадин ӨТЕЕВ,
Облыстық мәслихат депутаты, «Сыр маржаны» ЖШС директоры
