QazCovid-in вакцинасын шығару және пайдалану тәртібі арнайы қаулымен бекітілді
ҚР Бас мемлекеттік санитариялық дәрігерінің соңғы қаулысына толықтыру енгізілді, деп хабарлайды inbusiness.kz порталы ҚР ДСМ Санитариялық-эпидемиологиялық бақылау комитетіне сілтеме жасап.«QazCovid-in вакцинасын шығару нысаны: 0,5 мл (бір доза), 1,0 мл (екі доза), 1,5 мл (үш доза), 2,5 мл (бес доза), сыйымдылығы 3 мл, резеңке тығынмен тығындалған және Flip-off типті пластикалық қақпағы бар металл қалпақпен оралған, Ι класты түссіз шыныдан жасалған құтыда. Вакцинаның ашық құтысы асептика жағдайларының бұзылу қаупіне байланысты ашылғаннан кейін сақталмайды және бірден пайдаланылады», - делінген қаулыда. Вакцинасы бар көп дозалы құтыны ашу вакцинаның құйылуын барынша азайту үшін 3 немесе 5 (құтының көлеміне сәйкес) әлеуетті егілетін адамдар болған кезде ұсынылады. Осы қаулы қол қойылған күнінен бастап күшіне енеді.
