Бұған дейін жергілікті тұрғындарға ұзақ жылдар мәдени іс-шаралар өткізуге арналған негізгі мекеменің қажеттілігі туындаған. Енді аз уақытта ғимарат толық бітіп, пайдалануға берілмек. Құрылыс жұмыстарының қазіргі жай-күйі туралы участок бастығы Бағдат Утановтан сұрап, білгенімізде:

– Әйтеке би кентіндегі бұл 600 орындық мәдениет үйінің құрылысын халық игілігіне беретін күн жақын қалды. Барлық дерлік жұмыстар бітті. Жылу, кәріз, электр энергиясын жеткізу істері толық аяқталды. Енді жұмысшылар тазалау, сыпыру, көгалдандыру жұмысымен айналысуда, – деді.

Бүгінде облыстық деңгейде қолға алынған ғимаратты уақытында бітірумен бірге, оның сапалылғы тікелей қадағалануда. Құрылыс прорабы Сағат Тәжімұратов өздеріне жүктелген міндеттен шығатындықтарын айтты.

Мәдениет үйін салумен айналысып жатқан құрылысшылар көрермендер залы мен сахнаға қажетті құрал-жабдықтар орналастырылуда. Кешен айналасына көріктендіру, абаттандыру жұмыстары қызу жүргізілуде. Жарықшамдар орнатылып, брусчатка төселген, тынығу орнына келген қазалылықтар мен қонақтар үшін жайлы жағдай жасалған.

Аталмыш құрылыс жұмыстарын қызылордалық «Қазқұрылыссервис» ЖШС жүргізуде.