ҰБТ тапсыруға өтінім қабылдау басталды
Қазақстанда Ұлттық бірыңғай тест тапсыруға өтінім қабылдау басталды, – деп хабарлады «Ұлттық тестілеу орталығы».Өтінімді қабылдау app.testcenter.kz сайтында 15 сәуір сағат 17.00-де басталды. Тіркеу бос орындар аяқталғанға дейін жалғасады.
Тіркелгенде ҰБТ тапсыратын күнді, уақытын және өтетін орнын өз еркімен таңдауға болады. 15 сәуірден бастап ҰБТ тапсыру үшін бірінші мүмкіндіктің, ал 1 мамырдан бастап екінші мүмкіндіктің күнін таңдау мүмкіндігі беріледі.
ҰБТ 25 сәуір – 30 маусым аралығында өтеді. Осы аралықта ҰБТ-ға 2 рет қатыса алады. Жинаған ең жоғары балмен білім беру грантын иеленуге болады. Биыл мектеп бітіретін түлектері ҰБТ-ға тегін қатысады.
aikyn.kz
