Өрімтал балабақшасына дезинфекциялау жұмыстары жүргізілді
Аудандағы эпидемиологиялық жағдайға орай індеттің алдын алу және тұрғындарды жұқпалы дерттен қорғау мақсатында ауданда бірқатар шаралар қолға алынып жатыр. Жұқпалы дерттің таралуын шектеуде дезинфекциялау жұмыстарының да маңызы зор. Осы мақсатта ауданда дезинфекциялау жұмыстары Қазалы қаласындағы «Өрімтал» бөбекжай-балабақшасына жүргізілді.
Айта кетейік, аталған мектепке дейінгі білім беру мекемесінен вирустық инфекция анықталған болатын. Бүлдіршіндердің денсаулық қауіпсіздігін қамтамасыз ету мақсатында коронавирус инфекциясы анықталған тәрбиеленушінің тобындағы барлық бүлдіршіндер мен топтың 3 тәрбиешісі және 1 тәрбиеші көмекшісі үй карантиніне жіберілді. Қазіргі таңда барлығының жағдайы жақсы, тұрақты бақылауда.
"ҚАЗАЛЫ" ақпарат
